KOLANG-KALING

 So satu taun ini glens dorang da kase gara deng tu perempuan di kampung lantaran glens ada tugas di luar kampung ne dia kadang ja pulang kampung. Pas ini glens pulang kampung dia mo pgi ibadh drng ja bilang pemuda gmim. Ini glens aktif di organisasi ini, di ibadah dorang ta kumpul banyak orang laki-laki sekitar 20 orang sedangkan perempuan sekitaran 30 orang. Salah satu dari tu perempuan yang da pigi ibadah ada tu cewe yang glens lia memang sempurna di mata pa dia tinggi sekitar 180cm badan sama deng drng ja bilang gitar hero kuli putih dorang ja bilang sama deng ubi ja kupas, bibir sama deng bunga mawar pe merah, idong same deng tu bule’-bule’, pokoknya di mata pa glens ni perempuan memang sempurna.

Sementara ibadah depe mata nda ja lari pa tu perempuan itu, ini perempuan so ba perasaan pa ini glens “ kyapa ni glens baba haga pa qt? ada ona’ re’eng tu da sala kita da pake”. So dari taun lalu glens pe tamang-tamang mo kase jadi deng glens mar dia blum suka lantaran dia masih ja kuliah kong ni perempuan memang ada perasaan pa ini cliff so lama cma dia karu’gengsi masa’ perempuan yang mo tembak pa laki-laki.

Klar ibadah glens langsung ba dekat pa perempuan itu kong diaba slamat akang lantaran so  jadi kebiasaan di tampa ibadah pa dorang klar ibadah ja baku slamat. Pass glens ba slamat ni perempuan  langsung bagini pa glens ” glens kapa tadi ja ibadah nn haga-haga kita”? ni glens lansung kena sok da dengar tu perempuan itu da Tanya. Di dalam hati pa glens “cuka reeng dia  reeng datarukira tadi kita da haga-haga dia, apa kita mo bilang pa dia ini”? ni glens ta diam sadiki kong dia langsung bilang bagini pa perempuan itu “kita mo bilang pa ngana mar kita mo antar pulang pa ngana, mar kita nda ada motor eta’ yah! Cuma ada DB11! “oh iyo dang” di perjalanan ni glens langsung bilang dia pe maksud mo ba cirita deng  tu perempuan dia ja antar.
“ada kowo’ong kita mo bilang pa nn dari taun lalu mar kita da tahang-tahang lantaran nn ada cowo‘ waktu itu, kita kiing nimau mo ganggu ngoni dua pe urusan. mar, skarang kita so tahu ngana so nda ada cowo neh qt so mo bilaNg COPUS KU KO! BOLEH ANATE ANIO MUNTEP ANG NATE NU”?

“apa depe arti eghh?? Kita blum talalu tahu ja bahasa tontemboan”!?

“Boleh ini hati mo maso pa ngana pe hati”? deng jantung ba duk dak ni glens kase kaluar samua dia pe pe perasaan pa itu perempuan dia yakinkan yang mana dia serius pa perempuan dia da Tanya itu.
“neh bagimana”?

Padahal kiing ni perempuan memang so lama ada persaan pa glens mar gengsi kendoong, deng gaya jual mahal ini perempuan mo beking glens mo penasaran  “kita blum mo jawab ngana pe pertanyaan ini mar kase waktu dulu kita mo ba pikir”. Mar ini glens paksa so mo bliang skarang lantaran alasan so bale pigi di tampa kerja besok. Akhirnya ni perempuan bilang kalu dia so lama kiing da pendam perasaan pe glens.

Jadilah kehendak TUHAN yang mempertemukan sepasang kekasih glens langsung ba slamat pa perempuan yang mana dorang so jadian “makase so trima pa kita” itu kata pertama kaluar pa glens pe mulu pertama kali dorang jadi, nda dapa rasa dorang da ba jalang so dekat reeng pa ni glens pe maitua pe rumah, “santi sampe jo di sini kita mo antar ngana nih! Mana ngana pe nomor hp nanti kita telp ngana. Mar besok kita so mo pigi di nanado, kapan ngana mo pigi kerja di manado”?

“blum ona’ mo kerja kita”!

“ohhw kalu so ada ngana pe nomor ba tlp pa kita neh”! deng muka senyum santi langsung bilang iyo nanti kita ba tlp.

Rasa senang memang iko trus pa glens sampe dia tidor dia pe rasa senang ta bawa-bawa di mimpi. Ayam so ba kukuruyu’ de pe tanda so pagi ni glens langsung ba siap-siap so mo bale di tampa kerja. Deng perasaan senang ni glens berangkat di iringi deng lagu cinta satu malam ni glens so sampe di manado.
dimando glens ada tamang satu kapung deng dia mar nda satu tampa kerja, glens ba curhat yang mana dia so ada cewe yang da trima pa dia tamber langsung Tanya kalu sapa tu perempuan yang dapa kase takluk tu laki-laki yang susah ja tebak.

“sapa dpe nama tu cewe ngana da dapa itu eggh”??

“yah,, satu kampong jo yah deng trng,,.. santi depe nama”
“oh tu santi yang om buk pe anak”?

“iyo”

Ni tamber pe dengar yang da jadi deng glens itu santi yang om buk pe anak ni tamber pe muka langsung dapa lia laeng.
“kapa ngana tamber”?

“nda eghh,, rupa kwa mo saki akang kitya  neh kita dulu mo pigi tidor”
ni glens rasa aneh kapa ini tamber  langsung da beruba dia pe muka waktu dorang bacirita tentang santi.

Di kamar tamber  baba pikir kapa sampe glens jadi deng kita pe maitua biar kityare blum putus mar masih ada status. Tamber nda sangka kalu jadi bagini tamang makang tamang kalo bagini!

Satu minggu berlalu glens yang senang-senang lantaran so dapa maitua, kage-kage so jadi kolang-kaling tu muka so satu minggu ni santi nda kabar yang glens dapa dengar tentang dia. Kira-kira jam 7 malam hari kamis tamber dapa sms kalu yang mana itu santi, rasa senang langsung datang pa tamber pe hati lantaran perempuan yang dia beking kolang –kaling so ba tlp pa dia.
“tamber ngana ini”?

“iyo kita yah ngana reeng so nda dapa kenal kita pe suara”?

“nyanda eghh…. Kita Cuma suka mo pastikan kalu itu ngana. Boleh kita mo mintol pa ngana kirim akang glens pe no hp pa kita! Boleh”????

“Oh iyo nanti kita minta pa glens”

Rasa senang so ta ganti deng rasa ancor pa tamber pe diri… sebelum jadi tu glens deng santi tamber so perna bilang pa glens kalu dia deng santi ja ba gadang. Deng rasa kecewa tamber pigi pa glens, “glens mana kata ngana pe no”

“no apa calana ato”

“kase jo kwa kamari”

“kapa ngana tamber rupa sama deng ba marah pa qt”?

“santi da suru minta ngana pe no hp nanti kata dia mo tlp nn”

“ohh napa”

Pa glens pe pikiran nyanda da senang cma da tamba siksa dia pe lia santi cma da ba tlp pa tamber padahal ada dia pe tamang delli yang satu kos deng glens dia nda da minta pa delli Cuma da minta pa tamber.

Rasa marah glens so nda dapa tahang 3 hariso leawat glens pe hp ba bunyi dia lia nomor baru.
“hallo… sapa ini??? Mo apa”?

“oh.. TUHAN kapa ngana glens”??

“sapa ini eghh…”?

“santi”

“oh kpa santi? Nanti jo ngana ba tlp sabantar neh sibuk kita”.

Rasa penasaran pa santi kapa ni glens so laeng pa dia, ni santi langsung Tanya pa delli kappa tu glens so bagitu? Delli langsung kase cirita samua yang mana cliff rasa aneh yang mana ni santi Cuma da ba tlp pa tember deng alasan mo minta glens pe no hp.
“nimbole kata reen mo minta pa kita tu no? dia merasa ngana masih ada prasaan pa tamber kong sampe ngana ba tlp pa dia”

“oh jadi bagitu dang depe masalah kapa glens so laeng pa kita”!

Kira-kira jam 5 sore glens pe hp ba bunyi. Santi lansung bilang dia pe pokok permsalahan yang mana dia so salah, ni santi terus kase bilang dia pe penjelasan yang mana Cuma ada pa di ape no tamber pe nomor trus dia memang nda ada maksud apa-apa pa tamber.
“memang kita deng tamber nyanda da putus, mar kita so nda da perasaan apa-apa pa dia”

“kita nda marah ngana da ba tlp pa dia cma kita rasa aneh, kappa sampe dia dang”?

Santi trus kase  penjelasan pa glens supaya glens boleh mo terima tu alasan yang santi kase. Akhirnya, glens terima ni santi pe penjelasan Cuma dia masih kurang yakin pa santi mar dia nda kase tunjung yang mana dia blum talalu yakin pa santi Cuma dia berusaha mo pahami ini  santi pe maksud, dan akhirnya glens deng santi baku bae. Setiap pagi, siang, malam glens salau da pa sms perhatian dari santi. Satu minggu berlalu, glens ba cirita pa rendi yang mana dia deng santi pe hubungan nda mo berlangsung lama
“kapa ba gitu glens”? glens cirita yang mana setiap kali dia moba jalin hubungan deng cewe kalu ada dia pe perasaan yang dia da rasa ini mo terjadi, jadi glens pe feling drang 2 nda mo  bertahan lama.

Tanggal 10- September-2012 pukul18.38 wita glens pe hp ba bunyi.

“haloo..”

“glens ada kita mo bilang pa nn! So makang”?

“sudah”

Di dalam hati pa glens “dia so kase putus kita”

“kita mo blang pa nn yang mana torang du aba teman dulu! Kita disini so ada cowo yang ja saying pa kita”

Glens ta ba diam sadiki kong dia bilang kalu dia trima santi da bilang itu di nda paksa kalu santi musti tahang pa glens.. hp mati deng rasa kecewa pa glens memang dapa lia ni glens langsung ba kunci di kamar kong langsung pasang lagu samsons kenangan terindah, repoblik sandiwara cinta.

Rendi pulang dari kmpus dia ba toki pa glens pe pintu kamar dia pe hoba di lubang glens so ja ator tali mo ba gantong, ni rendi langsung dobrak tu pintu kamar kong dia pukul pa glens.
“kapa ngana bagitu Cuma masalah perempuan kong so sampe di ba gantong”?

“kita nda mo jadi se lupa pa dia mar kapa dia beking kita kolang kaling bagini”

Ni glens ba curhat trus pa rendi… rendi deng setia ba dengar  pa glens pe cerita yang mana dia,  perempuan so beking kolang kaling. Banyak masukan maso pa glens pe telinga ni rendi kase akang motifasi yang mana nda bagus cma gara-gara perempuan kong so mo sampe di tali tu hidop.

Akhirnya ini glens sadar yang mana dia da beking selama ini so salah, dia so sayang cewe mar akhirnya Cuma da beking kolang kaling pa dia… bagitu jo dulu dpe cerita kalu ngoni suka depe selanjutnya bayangkan jo ni glens pe hidop kalu bagimana.