Ta kage

Baba duduk di kantin fbs tunggu sadiki ba bunyi kamari tu hp, di sms da tulis “ngana suka mo iko deng kami mo pigi di manado? Nanti kami bayar akang nna pe frak! Kalu suka pigi jo di bundaran kong tunggu kami di situ”. So lama baba duduk di bundaran ni herlina, herdi, denk sapna nda da datang-datang, kita pe balia di kanan pa kita ada tu om baba taria “tomohon..tomohon…. tomohon,.. cowo tomohon?” Deng gaya memang, orang Jakarta bilang dekil baju so rabe-rabe, rambu so sawurang kong baba taria tomohon supaya kalu so fol tu oto dia pe sopir mo kase akang doi pa tu tukang ba pangge penumpang itu. Kong ada tu oto satu da ba trung penumpang kong ni om kira dia ja ba muat penumpang kong dia  langsung pigi pa sopir kong dia bilang “pigi jo ngana rupa tu pandang enteng ngana kang? ngana so lia ada oto ja ba tunggu ngana pi ba parkir kasana di sini.” so deng muka gugup tako ni sopir bilang “Cuma da kase turung penumpang kita om… iyo so mo pigi kita..” itu oto pigi deng kecepatan tinggi. Kita pe dalam hati sapa kuat reeng dia pegang kekuasaan, mar kapa ona tu di daeerah pa torang dia pe rasa kuat ja pegang kekuasaan itu so nda talalu banyak, Cuma banyak ja pegang kekuasaan tu orang-orang karu di gedung disana yah dorang bilang mo roba samua tu nda gaga’ di daerah pa kita mar apa?? So mo pelihan ulang nda ada perubahan kamari da beking Cuma tare dorang da kase maso tu perusahan apa ona’ itu kong, ambe kami pe tana yang dia pe dalam kami pe tampa mancari.

Satu jam baba tunggu datang kamari tu herdi,  herlina, denk sapna kong kami nae oto dorang ja bilang taxi gelap di dalam oto ada kita, herdi, sapna, deng herlina denk ada tu 3 om da duduk di blakang. Ini herlina reeng kurang lia-lia tu om dari kaca lantaran tu om da bawa-bawa sabel banyak. Dia pe tako jo masih di tomohon tu oto ni herlina langsung bilang pa sopir kalu dia mo turung jo di tomohon. Pe turung karu tu herlina kami karu’ baku iko turung yah, dia bilang dia tako lantaran di dalam oto ada orang  ja ba bawa barang tajam. Yah terpaksa kami nae oto bus di tomohon.

Pe sampe dii manado kami langsung pigi di IT.  So di IT masih reeng ba udik-udik ni herlina kong dia pe lia ada tu dorang ja bilang escalator dia langsung bagini “dara yesman gaul men tu tangga lift” dia so nae di escalator kita herdi deng sapna sengaja ba jao supaya nda deng kami tu iko-iko malu cma gara-gara dia pe udik itu. Abis itu kita Tanya pa sapna deng herdi “kong trng disini mo datang ba apa”? kong sapna bilang ngana pe mama’ so kase doi pa kita mo kase beli ngana pe perlengkapan ja kulia. Kong trng mo bli apa  ding?? Masih ragu deng ini sapna da bilang ni ading masih ja pikir kapa kong sampe dia pe mama’ ja kase doi pa sapna, mar biar jo. “brapa reeng kita pe mama’ da kase sap”? pokoknya cukup deng tu ngana ja mimpi-mimipi ngana mo dapa bili. Rasa kage langsung datang pa kita, tu kita da mimpi-mimpi so ta kabul mo bli buku-buku yang kita pe keperluan ja kulia.

Satu per satu kita so ja mulai ampe tu buku kita mo bli, akhirnya kita mo dpa samua ini. Kita langsung bilang makase pa sapna lantaran dia so bawa akang tu kita pe mama’ da titip, makase pa mama’ lantaran so kase kabul kita pe keinginan yang so lama skali kita da impi-impikan deng makase banyak for tete’manis so bantu kita lewat kita pe mama’ deng papa’. Kita janji kita mo kase bangga kita pe orang tua.